ئەگەر بمانەوێت کارەکان بە زانستی بکەین، پێویستە پشت بە تەکنەلۆجیا ببەستین. کارکردن لەگەڵ سروشت پێویستی بەوە هەیە لە سروشت تێبگەین. یەکێك لە ئاستەنگە گەورەکان لەبەردەممان لە تێگەیشتن لە پەیوەندی نێوان ئاو و خۆڵ و دارەکانمان بریتیبوو لە ئەنجامدانی پشکنین، خۆڵ وەرگرین، ببەینە تاقیگە، بۆ ئەوەی بزانین ڕێژەی شێ چەندە؟ کارەکە زۆر تاقەت پروکێنەربوو. سوپاس بۆ هیومانبلینك، کۆمپانیایەکی سویسری تایبەت بەم بوارە هەڵسا بە دابینکردنی سیستەمێکی زانیاری کە لەجیاتی ئەوەی خۆڵ ببەینە ناو تاقیگە، تاقیگەمان بردە ناو خۆڵ، هەر کاتژمێرێك جارێك پێمان دەڵێت ڕێژەی شێ لەناو خۆڵ لە قوڵاییە جیاوازەکان چەندە. لە ئێستادا ئێمە دەزانین کەی پێویستە ئاودان بکەینەوە. دەزانین ئاودانەکانمان تا قوڵایی چەند دەڕۆن. دەتوانین بڵێین، ئێستا باشتر لە سروشت تێدەگەین. هەسار بەردەوام دەبێت لە بەرەوپێشبردنی پرسی دروستکردنەوەی دارستان، پاراستنی ئاو، بەشداریپێکردنی کۆمەڵگە بە خۆڕاگری گۆڕانی کەشوهەوا.