لەگەڵ بەردەوامی بەرزبوونەوەی پلەکانی گەرما و زیادبوونی خۆڵبارين لە شاری هەولێر بەهۆی گۆڕانەکانی کەشوهەوا، هەنگاونان و بەرەنگاربوونەوەی کاریگەرییەکانی ئەو گۆڕانکارییانە بووە بە ئەرکێکی زۆر گرنگ. پڕۆژەی مليۆن بەڕوو چارەسەرێکی داهێنەرانەیە کە وا بنیاتنراوە ساڵانە ڕووبەرێکی گەورە لە دارستان لە شارەکەدا درووست بکات. تا کۆتایی ساڵی ٢٠٢٥، پڕۆژەکە یەک ملیۆن نەمامی چاندووە، کە 80%ی دارە داری بەڕووی رەسەن دەبن لە جۆری”Quercus brantii lind”دەبن. 20%ی دیکەش لە دارى جۆراوجۆر پێکدێت بۆ دابینکردنی هەمەچەشنێتی و شوێنی حەوانەوە بۆ داربەڕووەکان. پڕۆژەی مليۆن بەڕوو دەستپێشخەرییەکی پێشکەوتووە کە ئامانجی بوژاندنەوەی ئیکۆسیستەمی شارەکەیە و بەرەنگاربوونەوەی گۆڕانی کەشوهەوا و دروستکردنی داهاتوویەکی لەبارترە بۆ هەمووان.

ڕێکخراوی هەسار پێشەنگایەتی دەکات بە پڕۆژەی مليۆن بەڕوو؛ دەستپێشخەرییەکی خاوەن خەونی گەورەیە، ئامانجی بەشداریکردنی ئیدارەی شارەکە و ڕێکخراوەکانی دیکە و کۆمپانیاکانە بۆ سەرپێخستنی هەوڵێکی بەرفراوانی دووبارە بەدارستانکردنەوە لەسەر زەوییە گشتییەکانی بەردەست لە تەنیشت شه قامى 120 مەتری. لە کۆتایی ساڵی 2020. زانکۆى جيهان بە دابینکردنی نەمامگەیەک پاڵپشتی خۆی بۆ پڕۆژەی میلیۆن بەڕوو پیشان دا، هاوکات دامەزراوەی ڕوانگە بوو بە هاوبەشی ستراتیژی دەستپێشخەرییەکە لە ناوەڕاستی ساڵی 2021. لە کۆتاییەکانی هەمان‌ساڵدا حکومەتی هەرێمی کوردستان زەوی بۆ پڕۆژەکە تەرخان کرد، ئەمەش ڕێخۆشکەر بوو بۆ ئەنجامدانی چاندن بە ڕووبەرێکی بەرفراوان. لە سەرەتای ساڵی 2022 کۆمپانیای پترۆلیۆمی شاماران وەک سپۆنسەر پەیوەندی بە پڕۆژەکەوە کرد و پشتگیری و بودجەی پێویستی پێشکەش بە پڕۆژەکە کرد. پڕۆژەی مليۆن بەڕوو هەوڵێکی شۆڕشگێڕانەیە کە هێزی هەماهەنگی لە دروستکردنی داهاتوویەکی باشتر بۆ ژینگە و کۆمەڵگا نیشان دەدات.